Dýravernd á Íslandi
Barátta fyrir réttindum dýra
Áherslur okkar
Dýraverndarsamband Íslands (DÍS) er leiðandi í baráttunni fyrir velferð og réttindum dýra á Íslandi.
Við beitum okkur fyrir betri löggjöf, ábyrgu dýrahaldi, bættu eftirliti og fræðslu.
Vertu með okkur að móta framtíð þar sem dýr eru virt og vernduð.
-
Eftirlit með velferð búfjár
-
Blóðmerahald
-
Velferð svína
-
Vernd villtra dýra
Aðstoð vegna dýrs
Ef þú tekur eftir illri meðferð á dýrum skaltu ekki hika við hafa samband. Við veitum ráðgjöf og aðstoðum við að vinna úr málum þar sem velferð dýra er ógnað. Samkvæmt lögum tilkynnum við slík mál til viðeigandi eftirlitsaðila eða lögreglu.
VILTU HAFA ÁHRIF Í ÞÁGU DÝRA?
Vertu með í DÍS
DÍS er frjáls félagasamtök sem starfa á landsvísu í þágu velferðar dýra. Við beitum okkur fyrir betri löggjöf og bættu eftirliti til verndar dýrum.
-
Gerast félagi
Taktu virkan þátt í samfélagi sem vinnur að bættri velferð dýra, tekur þátt í málefnalegri umræðu og berst fyrir réttindum þeirra á opinberum vettvangi.
-
Gerast Dýraverndari
Dýraverndarar eru bakhjarlar sem með mánaðarlegu framlagi sínu efla störf sambandsins í þágu bættrar velferðar dýra í landinu.
-
Veita styrk til DÍS
Með því að styrkja DÍS getur þú haft bein áhrif á velferð dýra á Íslandi. Einstaklingar og stofnanir geta styrkt DÍS með því að leggja inn á reikninginn.
Dýraverndarinn
Ákveðið hefur verið að endurvekja gamalt og gott nafn og mun ársrit DÍS eftirleiðis bera heitið Dýraverndarinn.
Heitið Dýraverndarinn er samofið sögu DÍS. Ingunn Einarsdóttir, ein af stofnendum DÍS, lagði til árið 1915 að félagið myndi gefa út blað um dýravelferð og var gefið út óslitið til ársins 1983.
Í Dýraverndaranum 2024-2025 er farið yfir það helsta sem gerst hefur á viðburðaríku ári.
Dýraverndari ársins 2025
Ingiveig Gunnarsdóttir, stofnandi dýravelferðarsamtakanna Dýravaktin hefur á undanförnum árum unnið óeigingjarnt og mikilvægt starf í þágu andfugla.
Ingiveig hefur um árabil verið vakin og sofin yfir velferð andfugla á höfuðborgarsvæðinu. Þá hefur hún stuðlað að aukinni vitund og umræðu um málefni dýra í neyð á samfélagsmiðlum. Ingiveig á lof skilið fyrir mikilvæg störf sín í þágu dýra.
Úttekt DÍS - Bætt dýravelferð
Haustið 2022 skipaði stjórn DÍS lög- og hagfræðinginn Ágúst Ólaf Ágússon til að meta eftirlit með velferð búfjár.
Úttektin leiddi til 17 umbótatillagna sem meðal annars gera ráð fyrir fjölgun dýraeftirlitsfólks og hertari aðgerðum gagnvart þeim sem uppvísir verða að því að brjóta lög um dýravelferð, leyfisskyldu fyrir búfjárhald og flutning eftirlits með dýravelferð til sérstakrar Dýravelferðarstofu frá Matvælastofnun.
